გამარჯობა,
მე გახლავართ ნანული ჭელიძე, საქართველოს ზღაპრული კუთხე სვანეთიდან, კერძოდ უშგულიდან. პროფესიით ფილოლოგი გახლავართ, თუმცა ჩემი მიმდინარე საქმიანობა სულ სხვა სფეროს ეხება, უფრო კონკრეტულად ესაა საოჯახო სასტუმრო „ვილა ლილეო“ და კულინარიული მასტერკლასები. ჩემ ისტორიას ცოტა ადრეული პერიოდიდან დავიწყებ და სიამაყით გეტყვით რომ უშგულში ტურიზმი პირველმა მე დავიწყე, თავდაპირველად 4 ოთახი გვქონდა და მერე ნელნელა გავფართოვდით და მოვედით დღემდე. ამ გზაზე მნიშვნელოვანი იყო ჩემი კულინარიული მასტერკლასები რომლებმაც ჩვენს სტუმრებზე დაუვიწყარი შთაბეჭდილებები დატოვა, ძაან მოწონდათ და დღესაც მოწონთ როცა თვითონ იღებენ სვანური ტრადიციული კერძების მომზადებაში მონაწილოებას.
საქმიანობის პორცესში უმნიშვნელოვანესი იყო ევროკავშირის, შვედეთის და ავსტრიის მხარდაჭერით, პროექტ GRETA-ს ფარგლებში გაწეული დახმარება, რომელმაც ჩემი საქმიანობა უფრო მდგრადი გახადა. პროექტის შესახებ სოციალური ქსელის მეშვეობით შევიტყვე, მერე საინფორმაციო შეხვედრას დავესწარი მესტიაში და გადავწყვიტე მონაწილოება მიმეღო. თავდაპირველად ჩემი მოთხოვნა იყო კულინარიული მასტერკლასებისთვის სამზარეულოს შენობის ცალკე აშენება თუმცა აშენება ვერა მაგრამ საზამრეულოს აღსაჭურვად რაც გჭირდებათ ეგ შესაძლებელიაო და მეც ამ გეგმაზე გადმოვერთე და საკმაოდ შედეგიანადაც.
დონორების დამხარებით აბსოლუტურად ყველა მოთხოვნა დამიკმაყოფილდა პროექტის ფარგლებში, სიმართლე გითხრათ არ მოველოდი, არ მეგონა თუ გამომივიდოდა და ეს ჩემთვის სასიამოვნი სიურპრიზი იყო. სამზარეულოს მოწყობილობები თითქმის მთლიანად შევიძინე, მაცივრები, საყინულე მაცივრები, სვანური ღუმელი, ჭურჭლის სარეცხი მანქანა, მოკლედ თითქმის ყველაფერი რაც სამზარეულოს გამართული მუშაობისთვისაა საჭირო.
